كتبت : نورا سمير
الى متى يستمر الاستهتار وعدم محاسبة القتله والاخذ بالقصاص الى متى يستمر قتل ارواح بريئه واهدار حقوقهم وعدم تطبيق القانون
ريم عندها 15 سنه فى مدرسة النهضه الثانويه بنات بمدينة السلام خرجت هى واصحابها من المدرسه وبتستعد عشان تعدى الطريق يأتى بها شاب سواق ميكروباص عمره 19 سنه ليس معه رخصه وكان شارب مخدرات يعاكسهم بالعربيه فى وسط الطريق وطبعا خاف يخبط فى الرصيف من استهتاره وتهوره خبط صحبتها واتى بها تحت عجل عربيته وريم كسر بيها البرابيز بالاكصدام
ريم فى مستشفى السلام بمدينة السلام كنا بندعيلها بالشفا ماتت انهارده الصبح ماتت زهره فى عمرها نتيجة الاستهتار وعدم اخذ الحقوق
يا ترى هيرجع حق البنت دى ولا حقها هيضيع زى حق مياده وحق زينه وحق كل انسان مات نتيجة استهتار وظلم واهمال وتسيب
هنعتبر مرتكب الجريمه قاصر ونطلعه يرتكب جرائم اخرى ولا نقيم العدل وناخد حقها
الشباب يمكنه ان يرتكب جرائم فى سن 12 سنه والقانون بيقول انه يتم محاسبته لما يتم ال 18سنه يطلع يعمل جرائم ابشع واقذر
كيف لنا ان نترك الامر يصل الى هذا الحد من الاستهتار واللامبالاه ودهس ارواح البشر ليس لهم اى ذنب غير انهم ابرياء ضحايا الاهمال والتسيب
رسالة من مواطنه مصرية بتحب البلد دى ولها حقوق
يا سيادة رئيس الجمهوريه … يا سيادة رئيس الوزراء … الساده المسؤليين عن أمن الوطن
يجب اصدار قانون رادع لكل مستهتر ومنتهكى الحقوق لكل القتله والوحوش التى تلتهم براءة شعب .
